El Taller d'Empléu “Colunga Verde 2021”, dedicó delles xornaes a desbrozar el Camín de Santiago nel so pasu per Colunga, concretamente nos tramos La Isla-Güeñu y Covián-Colunga. Primero desbrozárase la Senda El Castillu y nestos momentos la intervención céntrase na sienda costera. Enantes tamién se desbrozó la sienda El La Griega –La Isla, entamando'l llabor na contorna d'esta población costera. 
Amás, realizáronse intervenciones de xardinería nes parroquies rurales de Gobiendes (camín y redolada de la ilesia y parque) y Carrandi (subida y redolada'l parque) y na capital, Colunga (Xardinos del Sueve, Loreto y redolada de la ilesia).

Imágenes