Serviciu de Normalización Llingüística
¿Ú tamos?
Atención personal, per teléfonu, per fax y per corréu electrónicu.
Serrviciu de Normalización Llingüística de la Comarca la Sidra.
- MANCOMUNIDÁ COMARCA DE LA SIDRA - MAN.CO.SI
- Paraes, 47
- 33529 (NAVA)
- Teléfonu:985 71 84 13 / Fax: 985 71 85 31
- e-mail: normastur@lacomarcadelasidra.com
QUE NUN QUEDE EN CASA, DA-Y VIDA A LA LLINGUA
Somos un Serviciu creáu a instancies del Conseyu Comarcal de Política Llingüística de la Mancomunidá Comarca de la Sidra nel que tan representaes fuercies polítiques de la comarca, representantes de les instituciones, asociaciones, escueles y demás entidaes de la Comarca que lo soliciten.
Trátase d'un serviciu d'asesoramientu públicu y de baldre destináu a facilitar l'usu del asturianu ente les persones, empreses, organizaciones, asociaciones, entidaes y alministraciones de la Comarca la Sidra.
El Serviciu de Normalización Llingüística (SNL), ye una ferramienta a disposición de tola ciudadanía de la comarca y constitúi un preséu indispensable nel procesu de recuperación, dignificación y dinamización de la llingua asturiana.
Los oxetivos cimeros son incrementar el conocimientu y l'usu del Asturianu, asina como da-y prestixu, garantizando la so presencia en tolos ámbitos.
Què facemos?
- Atendemos a les persones que quieran facer consultes rellacionaes col usu del Asturianu.
- Facemos propuestes de normalización nos ámbitos que lo demanden y potenciamos el compromisu de la sociedá a favor de la normalización del usu del Asturianu.
- Ofrecemos asesoramientu y recursos a les empreses o entidaes de tou calter pa facilita-yos l'usu de la llingua asturiana.
- Sofitamos les iniciatives de promoción social y la realización d'actividaes que fomenten l'usu del Asturianu nos ámbitos específicos como los deportes, el comerciu, la mocedá, el tiempu llibre, les asociaciones cíviques.., etc.
- Impulsamos la promoción del llibru y la llectura en llingua asturiana.
- Apoyamos la difusión d'autores de la comarca qu'escriban en llingua asturiana.
- Xestionamos y coordinamos la llabor de traducción de documentos.
- Organizamos cursos d'Asturianu pa funcionarios/es, emplegaos/es de l'alministración y población adulta.
- Programamos y facemos campañes, comarcales y nos conceyos, de sensibilización, promoción del usu y normalización llingüística del Asturianu
Toponimia
La recuperación de la toponimia tradicional ye enantes que nada un mou de comunicación y un testimoniu de los nuestros oríxenes, y sumándose a esti compromisu, los seis Conceyos qu'integren la Mancomunidá Comarca de la Sidra asumieron una gran responsabilidá a la hora d'oficializar y normalizar la toponimia en conxuntu de la comarca, cumpliendo asina la Llei 1/98 de 23 de marzu, d'usu y promoción del Bable/Asturianu que nel so artículu 15 fala de que los topónimos de la Comunidá Autónoma del Principáu d'Asturies han tener el nome oficial na so forma tradicional.